MR. MAKI (保和大廈) (已結業)

近排知道灣仔開了一間以新派卷物作主打的速食外賣店，咁創新新派，我又點可以錯過呀！話明新派卷物，又點會咁簡單。他們有多款特色反卷：魚全部都係魚、麻麻地軟殼蟹、三文魚轉角遇上蝦等...剩睇個名都非常吸引。新開業仲有優惠添，所有卷物配搭套餐都只需$15-$20，就有齊炸物、沙律、飲品，其中更有日本飲品(罐裝波子汽水)、UCC咖啡可選擇，真係點可以唔加配呀！我當然唔客氣，叫番兩個套餐同好友慢慢歎啦！三文魚轉角遇上蝦 配炸雞三文魚轉角遇上蝦名字用得剛剛好，以炸蝦、三文魚配上芝士醬汁制成，賣相非常吸引。食起上來三文魚鮮甜，加上芝士咸香，還有爽脆炸蝦，真係令人回味無窮。配上先生炸雞都不可看輕，外層炸得鬆脆皮薄，內裡還保持嫩滑口感，正！魚全部都係魚 配蕃薯條魚全部都係魚果然不同凡響，來到時真係非常足料。吞拿魚拖羅、三文魚、蟹子、脆趣都舖得滿滿的，夾起來非常爆滿啲感覺，入口層次豐富，口感綿綿，微微香辣中帶點鮮味，一流。