影片
更多
2016-12-31
3353 浏览
又來到 Happy Friday，加上翌日是除夕，所以心情特別輕鬆。早前一家人去了尖沙咀 The ONE 吃火鍋放題，覺得食材質料唔錯，所以這晚就決定再接再厲，不過今次就揀咗一間價錢比較經濟實惠的新派任食火鍋《鍋心》。從網上資料得知，店裡的夜市火鍋，以入座時間計算，劃分成兩個時段，分別為 5:00pm-9:30pm 及 9:30pm-2:00am，前段成人收費 $158、小童 $98，而後段成人收費就 $138、小童 $98，星期五六日、公眾期假及前夕，每位加收 $10，不過如果 7:30pm 前結賬離座的話，則每位減 $10。火鍋店位於旺角太子道萬年大廈一樓，沿著樓梯拾級而上，原來店內地方不大，座位擺放得密密麻麻，而且通道頗為狹窄，僅夠一人穿過，幸好入座時，時間尚早，店裡食客不多，可以揀個搶手靚位。安頓後先揀湯底，原來這裡的湯鍋，口味都幾豐富，免費湯底選擇共有 6 款，包括四川蕃茄鍋、正宗麻辣鍋、川式酸菜鍋、粟米豬骨鍋、皮蛋芫茜鍋和豆腐清湯鍋；而收費湯底就有台式薑母鴨鍋 ($68) 同高雄九尾雞鍋 ($68)；揀了清甜的粟米豬骨鍋。趁湯底未滾，一於先外出混醬，店裡的醬油配料選擇亦
又來到 Happy Friday，加上翌日是除夕，所以心情特別輕鬆。早前一家人去了尖沙咀 The ONE 吃火鍋放題，覺得食材質料唔錯，所以這晚就決定再接再厲，不過今次就揀咗一間價錢比較經濟實惠的新派任食火鍋《鍋心》。
從網上資料得知，店裡的夜市火鍋，以入座時間計算，劃分成兩個時段，分別為 5:00pm-9:30pm 及 9:30pm-2:00am，前段成人收費 $158、小童 $98，而後段成人收費就 $138、小童 $98，星期五六日、公眾期假及前夕，每位加收 $10，不過如果 7:30pm 前結賬離座的話，則每位減 $10。
火鍋店位於旺角太子道萬年大廈一樓，沿著樓梯拾級而上，原來店內地方不大，座位擺放得密密麻麻，而且通道頗為狹窄，僅夠一人穿過，幸好入座時，時間尚早，店裡食客不多，可以揀個搶手靚位。
安頓後先揀湯底，原來這裡的湯鍋，口味都幾豐富，免費湯底選擇共有 6 款，包括四川蕃茄鍋、正宗麻辣鍋、川式酸菜鍋、粟米豬骨鍋、皮蛋芫茜鍋和豆腐清湯鍋；而收費湯底就有台式薑母鴨鍋 ($68) 同高雄九尾雞鍋 ($68)；揀了清甜的粟米豬骨鍋。
趁湯底未滾，一於先外出混醬，店裡的醬油配料選擇亦勁豐富，雖然全是大路貨色，但竟然有 11 款咁多，包括鮮沙薑碎、炸蒜茸、蒜茸、火鍋豉油、潮州辣椒醬、指天椒絲、芫茜、汕頭沙茶醬、花椒油、麻醬和翠綠蔥花。
至於飲品方面，見兩個凍櫃都擺得滿滿，細心一看，韓式特飲、果味啤酒、錫蘭紅茶、罐裝忌廉、可樂等，一應俱全，一於拿幾罐回座位慢慢嘆。
返回座位後，原來家中的小鬼已經為大家點了不少食物，火鍋生料以餐車呈上，而且擺得滿滿，那就事不宜遲，立即開餐。有兩個食肉獸在場，當然是先吃肉食，這兩款分別是手切肥牛和滑牛肉；前者脂肪分布平均，灼至七成熟，口感嫩滑；而後者滑牛肉，由於切得較厚身，所以入口肉味頗濃。
至於這兩款滑雞柳同豬頸肉柳，水準亦唔錯，前者肉質嫩滑有雞味；而後者豬頸肉柳，雖然看似肥瘦混雜，但其實脂肪含量不高，灼熟後勁爽口，用嚟打邊爐就最啱，令人吃得開懷。
海鮮方面，其實選擇都幾豐富，有海蝦、鱔片、脆骨腩、脆鯇魚片、新鮮魚雲、草鯇魚腩、鮮魷魚等；為免眼闊肚窄，所以只點了三款，分別是生猛海蝦、白鱔片和脆鯇魚片。幾款之中，老公最愛就是大海蝦，讚蝦肉入口爽脆鮮甜，而且夠曬彈牙，屬 encore 之選。
不過筆者就反而鍾情白鱔片和脆鯇魚片，前者鱔片切得厚薄均勻，灼熟後吃起來鮮味爽口；而後者鯇魚片看起來亦超薄，以滾熱辣的湯鍋拖幾拖就熟，入口爽脆彈牙，鮮味十足，好食到唔停得口。
至於其它生料方面，除了有多款自家製的火鍋配料，例如手打墨魚丸、手打鯪魚球、手打墨魚滑、手打鯪魚滑、韭菜鮮肉餃、鮮蝦水餃、廣東雲吞外，還有蟹爪棒肉，芝士腸、滋味龍蝦丸、包心貢丸等等，款式多不勝數。
留肚試了響鈴卷、炸魚皮和生根；幾款當中，個人最愛就是響鈴卷，炸得既金黃又層次分明，入口酥香爽脆，是打邊爐必叫之選。
食咗咁多肉食，當然要點番一兩款蔬菜來平衡一吓，店裡的蔬菜選擇共有 5 款，包括唐生菜、西洋菜、菜心苗、芥蘭苗和油麥菜，而瓜類方面就有冬瓜片、南瓜片、勝瓜片等。
如果仍然未夠飽肚的話，當然也可以點些麵食米粉和烏冬之類。至於甜品方面，其實這晚店裡只有兩款雀巢雪糕供應，不過大家已經吃得很飽，還是淺嘗即止。
原來小店早市、午市及下午茶有即製即蒸點心供應，睇嚟要找個時間，一家人再來嘆茶。
张贴
