影片
更多
2019-06-21
41 浏览
銅鑼灣向來是個美食集中地，貴價、中價、平價的餐廳，應有盡有，不過由於太多選擇，所以每次在銅鑼灣想找東西吃時，都總是要絞盡腦汁！最近友人相約我來銅鑼灣一聚，提議去吃京川滬菜，本來還打算上網搜尋一下，估唔到原來好友已經有水心餐廳，話想試下 V Point 的「日喜樓」，既然友人早有準備，又不用我傷腦筋，我當然樂意奉陪。餐廳位於登龍街 18 號 V Point B1 樓，到埗後，先沿著扶手電梯往下走，店內地方非常闊落，用色和設計走西式 Café 路線，淺粉色木椅配木製檯面，加上餐廳盡頭設有一個小酒吧，裝潢優雅又富時代感，令人眼前一亮。餐廳設有房間包廂，另外用廳區亦擺放了多張大圓檯，適合家庭飯聚。安頓後先拿起店員送上的 ipad 餐牌細閱，食物分門別類，有涼菜、湯羹、廚師推介、家禽、小菜、蔬菜、主食、京點及甜品等，選擇甚豐，另收茗茶每位 $12。我哋揀咗兩款京點，火焰松子桂魚同一客干煸四季豆。先嚟兩款京點，有羅春閣爆汁生煎包 ($78) 同爆汁牛肉餡餅。生煎包以熱騰騰嘅生鐵鍋送上，包底煎得非常香脆，頂層嘅皮質感柔軟，入口有淡淡麵粉香。包子摺痕清晰分明，吃起來既濕潤又有嚼勁，加上內裡嘅肉餡不斷滴
餐廳位於登龍街 18 號 V Point B1 樓，到埗後，先沿著扶手電梯往下走，店內地方非常闊落，用色和設計走西式 Café 路線，淺粉色木椅配木製檯面，加上餐廳盡頭設有一個小酒吧，裝潢優雅又富時代感，令人眼前一亮。餐廳設有房間包廂，另外用廳區亦擺放了多張大圓檯，適合家庭飯聚。
安頓後先拿起店員送上的 ipad 餐牌細閱，食物分門別類，有涼菜、湯羹、廚師推介、家禽、小菜、蔬菜、主食、京點及甜品等，選擇甚豐，另收茗茶每位 $12。我哋揀咗兩款京點，火焰松子桂魚同一客干煸四季豆。
先嚟兩款京點，有羅春閣爆汁生煎包 ($78) 同爆汁牛肉餡餅。生煎包以熱騰騰嘅生鐵鍋送上，包底煎得非常香脆，頂層嘅皮質感柔軟，入口有淡淡麵粉香。包子摺痕清晰分明，吃起來既濕潤又有嚼勁，加上內裡嘅肉餡不斷滴出肉汁，配以包面嘅芝麻和蔥花一起吃，香口惹味，絕對係味覺一大享受！
接著吃的爆汁牛肉餡餅 ($48) 亦做得非常之有水準，一咬開就見到大大嚿牛肉餡，而且仲有肉汁流出！餡餅雖然吸咗啲肉汁，但食落去完全唔覺得鹹，加上牛肉餡的味道濃淡得宜，難怪友人對這客餡餅讚不絕口！
火焰松子桂魚 ($288)，這碟松子桂魚造型非常突出，上檯時熱辣辣，香噴噴，加上魚身炸至色澤金黃，面頭淋滿甜酸汁，賣相美觀。先嘗一口魚肉，魚皮咬落脆卜卜，而裡面魚肉仍嫩滑非常，火候控制得宜。糖醋汁用料十足，不但色澤艷麗，而且還伴入了不少菠蘿、番茄粒和洋蔥等，入口酸甜醒胃，令人食指大動。
相傳此菜式源於隋煬帝遊幸江南時，見山中松鼠可愛非常，回宮後念念不忘，御廚靈機一觸便想出這道巧奪天宮、形象逼真的「松鼠桂魚」獻給皇上，及後菜譜輾轉流傳至民間，做法變得簡化，久而久之，菜名亦由「松鼠桂魚」變成「松子桂魚」。
食完香口嘅松子桂魚，壓尾當然要點番個菜嚟平衡一下，而今次就揀咗干煸四季豆 ($98)。四季豆色澤翠綠，煸得乾身香口，夠曬火喉，鑊氣十足，而且十分新鮮，咬下爽脆有豆香，加上惹味的肉碎，令人吃不停口。今次雖然只係點咗幾款菜式，但整體質素唔錯，要特別一提，這裡的菜式全部不加味精，並堅持「少鹽、少糖、少油」的原則，能品嚐到食材的真味，食得健康。可惜這晚只係得兩個人，吃不到玲瓏百碟宴，希望下次可以約齊腳嚟試下。
张贴
