獅房菜

营业中

休息中

今晚外母生日，与以往不同，一尝新派中菜。先讲环境，坐得舒适，同一般酒楼不同，感觉似食西餐，同埋有bar枱，睇住厨师煮，几特别。头盘系几款小食，分别有「崧仁菠菜酥、桂花叉烧、洛神花山药」。三款味道都唔错，特别系桂花叉烧，食落去好香口。跟系到「杉龙虾桂花沙律」，用左甜筒做底，装住啲沙律，上面有大大嚿虾肉，仲有一块小金箔，几贵气。同埋个甜筒够脆，唔错。之后到「松茸樱花燕窝」，个鸡汤好浓味，同埋都好多燕窝，加埋松茸落去一齐饮，更加香。下一个系「蟹砵南瓜花金沙」，入面有成只软壳蟹，仲脆脆地，几好食。再一下个系「禅衣龙趸菊花度小月」，这个食落去嚿鱼都算新鲜，不过就唔系太特别。然后到「和牛面颊薰衣草春荀」，嚿和牛面颊好入味，同埋唔会好淋，觉得系全餐嘅重点。再下一个系「虫草花雪里芹白玉珠」，白玉珠其实系冬瓜波，唔系太有味，反而啲虫草花就几好食。跟住到「鸳鸯蚌蒜花椒淮山面」，啲面唔淋，食落去就一般，唔算太特别。最后到甜品「桃胶蝶豆花炖奶」，唔系好甜，都几清，唔错。整体嚟讲成餐都几特别，都几好食，而且每道菜上枱前经理都会埋嚟讲解用咗咩材料、厨师点煮同食法，服务几好。