飲茶 (南豐大廈)

营业中

休息中

今日同班同事收工去咗中環「飲茶」食晚飯，呢間主打摩登中式茶居嘅餐廳真係幾有驚喜！佢哋晚市做緊18蚊「脆皮妙齡乳鴿」！乳鴿皮脆到一個點，咬落去肉質嫩滑，好juicy 。跟埋手套同濕紙巾，食完都唔怕成手油淋淋。前菜叫咗個「雞絲拉皮」，夏天食真係一流！涼皮滑lulu ，雞絲嫩滑唔老，青瓜絲切得幼細爽脆。個芝麻醬夠晒香，開胃得嚟又唔會太膩。「爆汁嫩酥魚」外皮炸到金黃色，一咬開見到啲魚肉仲係雪白嫩滑。配埋佢地嘅特製醬汁，好有滋味。「懷舊西檸煎軟雞」雞扒煎得外脆內嫩，唔油膩。個檸檬醬酸甜度啱啱好，仲加咗新鮮檸檬片，食落特別醒胃。