影片
更多
2018-06-08
42 浏览
黃埔站開通左都未去過黃埔覓食，呢晚去左美食坊名館。三個人叫左八樣野，好大食好大食，不過名館碟碟的式，岩晒我地鐘意咩都試下嘅女仔。話就話粵菜館，但就有勁多款式可以揀，連水煮系列都有，真係心大心細呀！最後咩都試下，點心啦，涼拌啦，小菜啦拌飯啦咩都有d。頭盤叫左麻香龍鬚鴨舌，鴨舌咬落軟滑，麻辣味香濃，食多兩隻開始好辣，岩晒鐘意食辣人士。天氣熱辣辣點個冷盤透心涼一下，京川汁秋葵口感軟糯粘滑，營養價值高，不論涼拌，熱炒定油炸都咁好味。名館將秋葵切段，加入京川汁好惹味。銀湖天鵝酥係一個受歡迎點心，酥皮非常多層，內為紫薯蓉，天鵝底部係芝麻，咬落超香芝麻味，諗起都好想食。而且整到好似隻天鵝仔咁，放係個雀巢度真係以假亂真。另外叫個蝦餃試下先。叫得名館蝦餃皇，當然大大隻，鮮蝦彈牙！而養肝蔘燉鷓鴣非常滋補，對於捱夜夜訓人士補肝岩晒！見湯渣有鷓鴣，雞肉，豬肉同埋蔘，絕對足料呀！蜂蜜柚子蝦球嘅蝦球醃過沾粉炸過，炸粉唔厚，配以蜂蜜柚子汁以外青檸片酸酸甜甜，非常開胃，食多件都唔覺油膩。私房金黃球泡飯嘅黃金飯焦炒成球狀，置於上湯中，飯焦外脆內軟，咬落好有層次。而泡飯有個小火爐座底，食好耐都仲熱，好貼心！最後叫左個雪梅
最後咩都試下，點心啦，涼拌啦，小菜啦拌飯啦咩都有d。
頭盤叫左麻香龍鬚鴨舌，鴨舌咬落軟滑，麻辣味香濃，食多兩隻開始好辣，岩晒鐘意食辣人士。
天氣熱辣辣點個冷盤透心涼一下，京川汁秋葵口感軟糯粘滑，營養價值高，不論涼拌，熱炒定油炸都咁好味。名館將秋葵切段，加入京川汁好惹味。
銀湖天鵝酥係一個受歡迎點心，酥皮非常多層，內為紫薯蓉，天鵝底部係芝麻，咬落超香芝麻味，諗起都好想食。而且整到好似隻天鵝仔咁，放係個雀巢度真係以假亂真。
另外叫個蝦餃試下先。叫得名館蝦餃皇，當然大大隻，鮮蝦彈牙！
而養肝蔘燉鷓鴣非常滋補，對於捱夜夜訓人士補肝岩晒！見湯渣有鷓鴣，雞肉，豬肉同埋蔘，絕對足料呀！
蜂蜜柚子蝦球嘅蝦球醃過沾粉炸過，炸粉唔厚，配以蜂蜜柚子汁以外青檸片酸酸甜甜，非常開胃，食多件都唔覺油膩。
私房金黃球泡飯嘅黃金飯焦炒成球狀，置於上湯中，飯焦外脆內軟，咬落好有層次。而泡飯有個小火爐座底，食好耐都仲熱，好貼心！
最後叫左個雪梅娘作為甜品，最近不同種類嘅糯米糍出品千變萬化，而名館嘅雪梅娘係一個fruit mochi。薄薄嘅外皮包住好似棉花糖咁嘅cream, 入面仲有少少士多啤梨粒，成餐飯就完滿喇。
名館收取茶介8 蚊再加一，其實一坐低侍應就會斟蕎麥菜，飲落非常清新，細味落好有蕎麥味，好清新架。
张贴
