悦 私房菜 (荃灣廣場) (已結業)

阿仔考完試後約同母親一起飲茶慶祝一下，發現在荃灣廣場新開的中式FUSION 菜便試下。黑魚子沙律帶子盞外形吸引，食落似西式沙律多過中式，魚子質素一般。鮑魚雞粒咸水角內鮑魚雞幾入味，配搭亦有新解感。杜洛克豚肉义燒包內豚肉好有咬口，口感唔錯。櫻花蝦香煎蘿蔔糕份量少了些，蘿蔔糕味道偏淡。香菇石板棉花雞用錫紙包住上，熱度十足，2種食材都很入味及很淋。極品松露雞粒炆飯味道及香氣吸引，飯亦很入味，但改名為極品松露便有D與預期不同，建議改為松露會比較好。冰鎮脆皮咕嚕肉應該係此餐廳的代表作之一，平時冰鎮係肉放上面而冰在下面或混一些冰一齊上，他們完全將咕嚕肉藏在冰入面，要鑿開冰才可以拿咕嚕肉出來食，但咕嚕肉仍然保持一定熱度，做到外脆內熱的效果。可能係新餐廳，上菜時間有D慢，亦好似會漏單一樣，"吹"了好多次才出到最後一個點心，需要加強服務。