南小館Plus (已結業)

門口等咗30min,終於安排入座，但安排喺最入，廚房門口嘅角落，可以話自成一角，而且天花吊落嘅烏絲燈，時光時暗，其實都幾影響心情。 窗外望到不遠嘅時代廣場，店內環境刻意佈置帶點懷舊優雅！待應放菜時，個個都係好怱忙，放底時一係比較大力，一係就碰到野，俾客人感覺務態度印象唔係咁好，同環境好唔配！ 兩個人點咗五個菜~招牌生煎包肉汁豐富，包底煎得香脆，包皮鬆軟，好味。 ~蟹粉小籠包，無乜蟹粉味，一般！~冷盆拼盤，自選4款（馬頭蘭豆腐，糖醋排骨，麻醬雞，酵夫），份量不多不少，味道亦不錯。~老上海酸辣湯，味道不酸不辣，但材料都足，可以啦。~風味麻醬伴麪，唔知係放得大耐定其他原因，一夾可以整個麪餅夾起，好難分散撈開，花咗一段時間去整散D麪先可撈，帶小許辣，伴上青瓜，一般。甜品睇餐牌嘅相都吸引，但可惜已經飽，無再柯打。這店菜式份偏小碟，適合情侶，唔太大食嘅人，因為可以多試幾款。