紅米 (華都商場) (已結業)

新年期間，晚市嚴禁堂食，最方便梗係買盆菜返屋企慢慢食，係紅米用早鳥$1098訂了6-8人份量盆菜，大大盆好抵食，7個大人食焯焯有餘，有份量而且好足料，仲要有食剩，唔會好似其他盆菜咁，只用大大件蘿蔔佔位置，內有盆菜必備大蝦，鮑魚，髮菜， 鵝掌，花菇，腩肉，另外有意外驚喜就係有大大條豬脷，寓意大吉大利，豬脷炆到好入味好腍，大人細路都食到，魚蛋豬皮都好好味，魚蛋好彈牙，味道似潮州魚蛋，如果下次要再訂盆菜，都會再次係紅米訂。