影片
更多
2019-01-17
119 浏览
一講起文昌雞， 除咗諗起海南雞飯之外， 亦都令人諗起椰子雞煲。 南昌雞用海南盛產嘅椰子作為飼料，係八大優良雞種之一， 文昌雞肉質實淨、雞皮爽脆， 雞味濃郁，脂肪亦都較少， 因而受大眾愛戴。這間位於太子嘅《四季文昌》， 最出名就係食椰子雞火鍋， 臨近新春， 餐廳重推出咗新春好意頭菜式，今晚就同屋企人黎打邊爐，提早慶祝一下。餐前有個賀年特色小食: 海南特色小食糖貢（ 即係米通 ），糖貢脆卜卜，另外仲薑味黑芝麻花生糖， 薑味辛而不辣，而花生亦非常香口，讚！火鍋湯底：椰子文昌雞鍋(半隻)拼玫瑰花牛奶椰子鍋，椰子鍋超級清甜，全因用咗原隻椰青及椰皇，椰子香氣襯托出雞肉嘅鮮甜，雞件的火候要拿捏得準確，才會嫩滑， 餐廳特意預備咗沙漏來計時，保正掌握得妥當。 玫瑰花牛奶鍋夠曬養顏， 玫瑰可以美白， 牛奶滲出淡淡玫瑰花花香， 啱曬一眾女士。三款嘅醬汁亦都相當特別， 爆蒜蔥油夠惹味， 中間嘅海南酸汁酸酸甜甜， 夠曬開胃醒神， 我最鍾意嘅就當然係海南豉油啦， 因為可以加入我最鍾意嘅紅辣椒同沙薑， 沙薑嘅香氣同南昌雞非常之匹配， 加上清香嘅青桔仔， 減低咗油膩感覺。小食：海膽茶葉蛋，係傳統嘅茶葉蛋上面加入咗海膽
這間位於太子嘅《四季文昌》， 最出名就係食椰子雞火鍋， 臨近新春， 餐廳重推出咗新春好意頭菜式，今晚就同屋企人黎打邊爐，提早慶祝一下。
餐前有個賀年特色小食: 海南特色小食糖貢（ 即係米通 ），糖貢脆卜卜，另外仲薑味黑芝麻花生糖， 薑味辛而不辣，而花生亦非常香口，讚！
火鍋湯底：椰子文昌雞鍋(半隻)拼玫瑰花牛奶椰子鍋，椰子鍋超級清甜，全因用咗原隻椰青及椰皇，椰子香氣襯托出雞肉嘅鮮甜，雞件的火候要拿捏得準確，才會嫩滑， 餐廳特意預備咗沙漏來計時，保正掌握得妥當。 玫瑰花牛奶鍋夠曬養顏， 玫瑰可以美白， 牛奶滲出淡淡玫瑰花花香， 啱曬一眾女士。
三款嘅醬汁亦都相當特別， 爆蒜蔥油夠惹味， 中間嘅海南酸汁酸酸甜甜， 夠曬開胃醒神， 我最鍾意嘅就當然係海南豉油啦， 因為可以加入我最鍾意嘅紅辣椒同沙薑， 沙薑嘅香氣同南昌雞非常之匹配， 加上清香嘅青桔仔， 減低咗油膩感覺。
小食：海膽茶葉蛋，係傳統嘅茶葉蛋上面加入咗海膽， 海膽新鮮， 味道甘香， 加係茶葉蛋上面除咗能夠品嚐到茶香之外， 仲可以食到海膽的鮮甜， 係一個創新嘅配搭。
火鍋配料：「豬籠入水」 (福袋) 平時嘅福袋大都係用油揚包住日式年糕， 而呢間餐廳嘅福袋相當有「內涵」， 用咗芋頭蓉、 豬肉碎 等嘅材料來造福袋，福袋索滿湯汁， 食嘅時候一定要小心燙傷嘴呀。
「響徹雲霄」(紫菜響鈴)，呢一個火鍋配料同平時食嘅響鈴有些少唔同， 加入咗紫菜嚟炸，食落除咗有豆香之外，亦夾咗紫菜口感， 切記淥三秒就好食啦， 咁就可以做到外軟內脆嘅效果。
呢一個「步步高陞」 意頭好之餘，賣相亦都相當精美。 樓高八層嘅鐵塔上擺放咗多款嘅肉類，有安格斯牛頸脊、A4和牛肉眼、澳洲和牛西冷、安格斯牛仔粒、加拿大牛舌、黑豚豬肩肉，五花腩和豬頸肉， 真係令人目不暇給。
我最鍾意嘅當然係A4和牛肉眼啦，和牛肉眼雪花均勻， 油脂分佈平均， 入口即溶。
安格斯牛頸脊亦同樣出色， 肉質嫩滑， 牛味濃郁。
加拿大牛舌口感煙韌爽口， 味道帶點酥香。
另外豬頸肉爽口彈牙， 配埋海南酸汁食又醒神又解膩。
由於各款肉類嘅質素都相當之高， 個人認為用椰子湯底黎淥就最適合不過， 既唔會搶咗肉類嘅鮮， 亦能帶出肉類嘅甜， 確實出色。
最後叫多個 「鮑羅萬有」煲仔飯來做總結， 呢個煲仔飯用咗數款新鮮嘅海鮮泡製， 有原隻鮑魚、海蝦、生蠔、青口， 海鮮嘅鮮甜味滲入飯裏面， 一打開蓋就可以聞到那份鮮味。 煲仔飯嘅飯易拿捏得不錯， 飯粒夠乾身， 口感煙韌， 而且飯焦亦帶點焦香， 加埋煲仔飯豉油一齊食， 輕易可以再添飯。
呢杯特色飲料：「大紅」 色彩繽紛， 係一杯紅莓梳打， 紅莓酸酸甜甜， 開胃又醒神。
總括嚟講， 呢餐團年飯確實令人有驚喜， 好意頭方面不在話下， 而且坐得又舒服， 環境又好又寬敞， 最重要係地點就腳， 嘢食質素又高， 趁住呢個新春， 不妨來打一個「熱熱鬧鬧」嘅邊爐啦。
张贴
