登堂 (已結業)

去左一間係觀塘工商廈入面嘅餐廳 工廈走型格路線 但估唔到去到餐廳別有洞天 餐廳裝潢簡潔華麗⚜️ 可能因為係工廈地方好大好闊落 大部份都係sofa位 幾好坐 登堂主打多國菜酒扒房 餐廳當眼位仲有一個好大嘅酒櫃🍾 品酒人士可能岩當日叫左燒西班牙乳豬件作為主菜 外皮燒到非常香脆 切開見到脂肪同肉層次分明😋 非常肥美 油脂風盈 豬件本身無太多調味 主要食番豬本身嘅味道 單單乳豬燒過嘅香氣流出嘅豬油香氣已經好好食 搭配餐廳調制嘅燒豬肉汁令味道升華 但細細嚿食到最尾都好膩🫣西班牙油炸鬼朱古力雪糕🍨西班牙油炸鬼外脆內軟 有輕微蛋香 新鮮熱辣咁上枱 搭配冰凍又濃郁嘅朱古力味雪糕 🧊🔥火冰又脆又軟口感好豐富 亦唔會膩煙三文魚凱撒沙律🥗三文魚好厚身 唔算太咸個種 凱撒醬份量略為多左小小 生菜清爽 淡淡芝士味🧀 但唔會過濃 味道好清新