乜嘜雞蛋仔 (已搬遷) 新店位置

喺佐敦附近番新工,番工成日流流長咁緊係要八下附近有咩好野食啦!同事推介話有間乜嘜雞蛋仔好食,LUNCH就走左去即刻試下!原來靜係雞蛋仔都有4隻味道可以揀,有原味,朱古力,榛子朱古力,花生醬煉奶同芝麻!我今次就揀左份榛子朱古力味,雞蛋仔即叫即做,到手熱辣辣一陣香味傳過黎,榛子朱古力香再加埋蛋香 真係好聞又好食!食落口外面嗰層好脆,入面就軟綿綿,榛子朱古力香同雞蛋香冇互相搶味,好好食！除左食仲有好多野飲,叫左杯波霸珍珠奶茶,珍珠有咬口又唔太甜,奶茶唔會得個甜字,同珍珠好夾,食雞蛋仔趁奶茶都係一種絕配呀!