羅麥記 (青衣城1) (已結業)

係青衣城，早餐有得食沙嗲牛肉麵既地方唔多，羅麥記係其中一間。食返個沙嗲牛肉麵 配 火腿炒蛋火腿炒蛋，個炒蛋整得幾好，係有厚度，外面望落去熟熟地，但內裡係滑蛋。火腿都正常，唔係油淋淋。沙嗲牛肉麵，先係個公仔麵，煮得岩岩好，唔會太淋或太硬，沙嗲牛肉個汁唔係一patpat ，沙嗲味一般，啲牛肉都夠淋。湯底都唔咸，所有野加埋好食。熱檸檬茶，哩杯茶，我鍾意呀！夠茶味，檸檬唔澀，係茶餐廳既靈魂之一呀！成份早餐，整體既水準都係幾好。