茶餐廳2.0 (已結業)

今日在愉景新城行街，發現愉景新城不只多了很多商鋪，也多了很多餐廳，最後我決定去了這間茶餐廳 2.0。裡面裝修幾新幾靚，坐得幾舒服。晚餐有中湯或西湯選，我點了中湯，是冬瓜湯，味道清甜，熱辣辣，唔會覺得好咸。鹹蛋蒸肉餅：晚餐我點了鹹蛋蒸肉餅，鹹蛋大大舊好好味，好香口，肉餅好滑，一點都唔會覺得韌，不過就略嫌有少少油，但都幾好食，餸飯一流，唔錯。白飯份量夠，煮得唔會生，幾軟熟。我跟餐加了$20要了紹菜，有碟菜食下，健康d,唔會覺得dry。紹菜煮得夠淋，唔會覺得生，幾好食。跟餐飲品我選了熱柚子蜜，它還加了檸檬，甜甜地幾好飲，不錯。最後，食完晚餐當然要吃甜品啦，所以點了一底雞蛋仔。雞蛋仔好香軟，好有蛋香味，勁正!埋單$103，價錢經濟又好吃。