阿荔車仔麵

今日去左荃灣行街買野 行完荃灣廣場見到出面有間新式車仔麵店 係店外已經聞到好香濃嘅車仔麵湯底嘅味道😍我地就走左入去食午餐🥣

我叫左六餸油麵😂😂揀左原骨湯底 湯底仲可以加埋牛腩汁同南乳汁 超濃味🥰🥰 粒粒墨魚丸、辣玻璃魷魚、香滷雞翼、清甜蘿蔔好好味😋 下次過來都要再叫

我朋友就揀左秘制牛筋牛肋腩蒜油撈 每樣都比左舊我試下🤗 牛筋同牛肋腩超級入味 超級淋 好好味😋

除左食車仔麵 我地仲叫左兩個炸物小食 椒鹽炸燒賣及黑松露醬炸單骨雞翼都係新鮮炸起 熱辣辣 好好食😄