一禪 (已結業)

每次去九龍城 supermarket 都會經過 ❥⧽一禪 ❥⧽, 難得今日唔算多人, 仲可以坐榻榻米座位, 所以就飛奔入去試吓。餐廳裝修充滿日式風味, 榻榻米位自成一角, 有遠離香港嘅錯覺。𓊈野菜天婦羅𓊉天婦羅有秋葵, 甜番薯, 南瓜, 香菇, 苦瓜, 茄子同珍珠筍。天婦羅炸得好酥脆, 炸粉唔會太厚, 所以感覺唔太油膩。𓊈流心蛋牛油果吐司𓊉賣相好精緻, 不過味道同想像中/ 平時食開嘅牛油果吐司好唔同, 個人唔太鍾意呢個口味因為車厘茄味實在太濃, 有少少可惜。𓊈鮮奶抹茶𓊉抹茶味好濃, 不過因為d 抹茶粉未溶曬所以飲落有一粒粒嘅感覺...✧✧ 整體食物飲品都唔會有驚艷嘅感覺, 或者因為本身對新式素食有期望, 所以有少少失望。