鱻潮手工私房鍋 (已結業)

近來阿爸阿媽都各有身體不適，今晚決定做乖乖女，陪佢地食餐飯。唔想行咁遠，佢哋又唔想我破費，所以去咗附近嘅大排檔食個便飯。確實都好耐冇黎博康嘅大排檔，之前搭車見到對面沙角大排檔已經唔同晒，原來呢邊都一樣整靚咗好多，全部裝晒冷氣。呢間鋪主力打邊爐，有唔同價錢嘅套餐，我見大部份人都係食火鍋，不過我哋就食小菜，都有好多選擇。叫咗個啫啫雞煲（$138），十分惹味，雞件有好多再加上冬菇和洋蔥等配料，餸飯一流！仲有白菜仔炒花枝片（ $78 ），份量都多，有鑊氣，白菜仔夠嫩口。蜜糖薯仔安格斯牛柳粒（ $138 ），幾鍾意佢個汁，甜甜地開胃，牛柳粒唔夠腍，反而啲薯仔配菜好好味。