BnR (已結業)

喺出面睇真係完全估唔到佢係一間米線舖！佢嘅裝修設計風格簡約 俾人一種好乾淨舒服嘅感覺🤩鮮魚湯魷魚筒淮山麵一嚟到已經聞到好大陣魚湯味 碗麵勁大碗 對於我一個女仔嚟講係完全食唔哂嘅 個魚湯好鮮甜 佢個魷魚筒入邊仲有啲墨魚滑 好彈牙 食完麵之後都忍唔住飲返幾啖湯😋😋五指毛桃雞淮山麵個五指毛桃湯好濃 個雞都好滑 每碗麵都會跟一條油炸鬼 個油炸鬼吸晒碗湯嘅精華 完全入晒味 好正🤤🤤皮蛋豆腐佢上面有啲秘製嘅汁 類似豆瓣醬 唔算太辣 對於一個食譚仔10小辣嘅我嚟講啱啱好 好惹味👍🏻