甜夢園

营业中

休息中

其實呢間糖水舖都好似開咗有一兩個月，終於的起心肝入去試下就係因為畀佢門外面呢一個特價甜品吸引咗。雪燕燉椰皇同埋椰汁桃膠燉木瓜，堂食震撼價係28蚊，冇加一，咁抵就梗係要會一會佢啦。先講個雪耳燉椰皇，椰皇size都大，唔會因為特價而揸流灘，入面嘅椰汁燉鮮奶有香有滑，而且雪耳嘅數量比想像中亦都多，我哋有口福了。椰汁桃膠燉木瓜原隻木瓜上，28蚊有咁嘅size絕對超值。入面都有幾多桃膠，一邊食桃膠一邊食木瓜特別覺得滋潤。