味吉長龍

营业中

休息中

尖沙咀新開咗間拉麵店，有日經開見到餐廳裝修好和風feel，所以今次突登去試吓順便打卡😄嚟到發現lunch set都幾抵喎，下次lunch可以叫埋同事去食😍慢煮叉燒濃清湯拉麵 ⭐️⭐️⭐️⭐️⭐️叫咗鹽味湯底試真啲呢度拉麵嘅真材實料！慢煮叉燒果然名不虛傳，叉燒軟腍入味，雖然兩大塊叉燒但都有少少唔夠喉😆值得一提嘅係，拉麵入邊有兩大條牛蒡，估唔到牛蒡除咗漬物之外，仲可以整得咁好食😍辛辣香肉慢煮叉燒濃清湯拉麵 ⭐️⭐️⭐️⭐️⭐️愛辣人士注意❣️平時我都尚算食得辣，呢個辛辣拉麵真係有挑戰性，辣香肉將成個湯底變得更加濃郁惹味，拉麵索咗辣湯之後，入口時辛辣感爆發出嚟好過癮😎自家製魷魚豚肉餃子 ⭐️⭐️⭐️⭐️⭐️第一次食魷魚做餡料嘅餃子，原來加咗魷魚嘅煙靭感覺，成個餃子口感提升咗好多！而且餃子煎得好靚，食得好開心😍鮮蟹肉忌廉薯餅 ⭐️⭐️⭐️⭐️⭐️我係可樂餅愛好者，呢個蟹肉忌廉薯餅賣相勁靚，外層炸得好香脆，入面食到蟹肉份量都算幾多，配埋滑溜溜嘅忌廉，加埋面頭嘅沙律醬同埋蟹籽，鍾意食可樂餅嘅唔好錯過👍🏻