鮨悠 (已結業)

雖然啱啱去完旅行，但係都要喺香港繼續支持日本菜。今晚去食呢間新嘅餐廳，啱啱開咗兩個星期，但係所有朋友激讚，既然係咁就要試吓。最欣賞嘅係，佢竟然食飯之前有茶道歡迎客人，同事時俾師傅時間準備前菜。我諗香港真係未試過有啲咁嘅樣嘅安排，好有驚喜。前菜有蟹肉清湯羊羹，岩石玉子，點上蛋黃醬，仲有白梅貝，當中最愛岩石玉子，好好食。我要了個貴嘅set，先來的鯊鰈魚三食，燒過油份好強，好似有三種魚咁。厚岸真蠔真係好正，令我想起京都食過嘅日本蠔。鰹魚BB，有枯節、紫洋蔥，蔥花等，講真真係好靚，呢一個我真係可以話未試過喺香港食過咁有心機嘅魚。活赤貝同北寄貝，我較愛北寄貝。間白魚，油份夠，好令人難忘。煙燻大拖，加上烘過櫻花蝦，夾上野菜食，呢個全晚最震撼味蕾。第一個熱食，里芋煮，我個人就幾鍾意，我老公就話麻麻哋。北海道帆立貝，簡單調味已經好迷人。赤鯥，有炭香全因網燒，好正好油。牡丹蝦，又有蝦膏當然好食。根室白海膽，黑鮑魚，壽司飯有鮑魚肝醬，好得，全晚第二好食。最尾的熟食五彩和牛， 五殼炸過後，特別精彩。甜品係水信玄餅，好鬼靚。全個餐都幾令人好鍾意，值得去試下。