一郎 (已結業)

Bearbrick周圍都係bearbrick～～～呢排行尖沙咀好多舖頭都見到bearbrick嘅蹤影，點估到我去食拉麵都會同老夫子bearbrick坐埋一枱？仲要用好鬼馬嘅眼神望住我，好似嘲諷我「影夠未？個麵都凍晒！」漢口道又新開一間新餐廳！係嚟自日本東京🇯🇵一郎君嘅過江龍拉麵店，赤、白、柴、黑同限定君4款拉麵同小食，menu簡單直接冇太多花巧。首先讚一讚個炸物，試咗炸雞同紫芋薯餅都幾驚喜，唔係平日食到嘅吉列硬實口感，而係用薄薄一層嘅麵包糠包裹再炸到酥脆；拉麵方面叉燒好嫩滑呈淡粉紅，溏心蛋係用返日本蛋「曉」製造，有啲似蘭王蛋蛋黃色澤深邃。湯底方面偏清淡，相對個限定款有松露加持就好濃郁，推薦大家第一之去可以試咗佢先！🌟題外話，新店做緊抽獎活動食滿指定金額就可以有一次扭蛋機會，大獎係好吸引嘅bearbrick！可惜本人天生零抽獎運，空手而回so9sad！‑ ‒ – ⋄ 限定君 - 極黑松露慢煮黑蒜拉麵¹ ⁸ ⁰⋄ 赤郎君 -激辛地獄拉麵⁹ ⁸ ⋄ 唐揚炸雞 ³ ⁸⋄ 紫芋薯餅 ² ²