鳴越 Pho (已結業)

今日返半日，收工去食晏，見到附近開咗間新嘅越南餐廳，所以入去試吓新野。舖頭細細，我諗閒日嘅話應該都會坐爆棚，不過因為今日星期六，所以好舒服。佢嘅lunch都幾多選擇，湯粉撈粉或者飯都有。食得越南嘢，梗係要試吓生牛肉粉啦。佢個湯底似乎係用牛骨淆，所以甜甜地。但係加咗青靈同埋辣椒之後更加好飲。至於佢啲牛都幾有牛味，同埋都夠薄，真係遇到湯先至熟。至於朋友就嗌左碗雞絲札肉粉，呢碗個湯底就清啲，但係味道都唔錯。最後我哋仲叫咗個無骨鳳爪，都幾辣幾惹味。不過可能魚露落多咗少少比較鹹。