原來美麗華商場的Espresso Alchemy 已搬咗新分店，由原先的地庫搬到一樓，初次到訪眼前一亮，好獨特的設計，原來係融合咗古南美的建築美學，用咗好多幾何圖案以及不同物料來營造出一個獨特的環境，明亮有型。
開放式的設計，可以欣賞到咖啡師調製飲品的神髓，這都是一種享受。
今日係早餐時段到訪，客人都頗多，不愧係The World’s 100 Best coffee shop。
1
菠菜芝士奄列配多士
濕潤嫩滑的蛋皮包着半溶的mozzarella 芝士及小菠菜，材料簡單，但非常美味，配上一片酸種麵包及牛油，一個美味嘅早餐。
貝果配藍莓忌廉芝士醬
一向都有食佢哋的bagel，大多數都係有好豐富的餡料，今日想食得簡單啲，品嚐一下bagel的質感，簡簡單單的芝士醬就能品嚐到一個外微脆內𥚃有嚼口的貝果。
Flat White
咖啡當然係好重要的一環，Flat White 都是我喜愛的其中一款，奶泡幼滑，口感豐厚，拉花都係賞心樂事的一環。
