影片
更多
2013-02-14
68 浏览
這個舖位近年易手幾次，不知是生意太好還是生意淡薄。事緣在港鐵站這邊一出地面就有一間泰昌麵包，時有減價，再往康怡廣場行入幾步又有間大大間既美心西餅，仲有自己焗爐會出新鮮麵包。呢個舖位細細真係貴又無人買，平又做唔住。之前開過聖安娜，包餅都唔錯，但係做唔長，又變左做美心。但係唔聲唔聲又變左東海堂。話說東海堂都係同一個集團，不過走高檔路線，有好野食，又唔驅。今次行過主要想睇下幾個情人節新出品。嘩，個 display真係好吸引。個個都想試，於是中間落墨，帶走了「赤い草莓」($198)。﹝當日有八折，$158.4，非常抵食﹞係一個雜莓慕絲蛋糕，繫著紅色蝴蝶結的朱古力寶盒。真係好靚，唔捨得食。成日朱古力盒都食得，不過有D嫌糖漿味太重，個盒唔係好好食。個蛋糕本身就非常好，唔算甜，好香，好軟，個士多啤利就非常香非常甜，不可錯過。其實東海堂D餅個賣相真係非常討好，忍唔住再買多兩件餅仔。十勝紅豆奶凍，清新的紅豆配上濃滑的牛奶，非常滿足藍莓吉士撻，足滿果味的藍莓加上北海道3.6牛乳吉士忌廉襯鬆脆牛油撻底，內軟外鬆，一試難忘！下次有機會再試埋其他奶凍和吉士撻，希望佢做得住啦
今次行過主要想睇下幾個情人節新出品。嘩，個 display真係好吸引。個個都想試，於是中間落墨，帶走了「赤い草莓」($198)。﹝當日有八折，$158.4，非常抵食﹞
係一個雜莓慕絲蛋糕，繫著紅色蝴蝶結的朱古力寶盒。真係好靚，唔捨得食。成日朱古力盒都食得，不過有D嫌糖漿味太重，個盒唔係好好食。個蛋糕本身就非常好，唔算甜，好香，好軟，個士多啤利就非常香非常甜，不可錯過。
其實東海堂D餅個賣相真係非常討好，忍唔住再買多兩件餅仔。
十勝紅豆奶凍，清新的紅豆配上濃滑的牛奶，非常滿足
藍莓吉士撻，足滿果味的藍莓加上北海道3.6牛乳吉士忌廉襯鬆脆牛油撻底，內軟外鬆，一試難忘！下次有機會再試埋其他奶凍和吉士撻，希望佢做得住啦
张贴
