影片
更多
2022-07-13
27 浏览
佐敦新開咗一間湘川菜小店，店舖雖然細細但係坐得幾舒服。今次同男朋友嚟食lunch，叫咗兩個lunch set，另外亦都叫咗三個全日menu入面嘅小食，食完超級超級飽🙈.我同男朋友都好鍾意個湘西外婆菜木桶飯！🤩湘西外婆菜即係五花肉炒梅菜，入面仲加咗唔少辣椒🌶️食落係咸咸辣辣咁，又會食到梅菜少少嘅甜味，所以真係超級好送飯😍推薦！另一個木桶飯叫咗蒜薹炒臘肉，蒜薹份量好多，口感脆嫩。蒜薹食落味道係有少少辛辣之中帶微甜，我幾鍾意😝兩個木桶飯都係午市套餐，送罐裝或者紙包飲品，店員好好人話俾我哋轉津路🤩.另外叫咗三個小食。涼拌牛柏葉係加咗黑醋，食落好開胃。芫荽味道幾重，所以唔食芫荽嘅人要留意啦！(應該係因為芫荽味太重，男朋友話麻麻哋🤣)黃金皮蛋正正常常。口水雞食落少辣，有麻味，其實味道唔錯，不過雞肉唔算滑。.見到好多人嚟食都會叫酸菜魚，有機會都可以一試。今餐整體最有驚喜都係湘西外婆菜😝飯桶一定會滿意🤣PS 呢到午市要加一
今次同男朋友嚟食lunch，叫咗兩個lunch set，另外亦都叫咗三個全日menu入面嘅小食，食完超級超級飽🙈
.
我同男朋友都好鍾意個湘西外婆菜木桶飯！🤩
湘西外婆菜即係五花肉炒梅菜，入面仲加咗唔少辣椒🌶️
食落係咸咸辣辣咁，又會食到梅菜少少嘅甜味，所以真係超級好送飯😍推薦！
另一個木桶飯叫咗蒜薹炒臘肉，蒜薹份量好多，口感脆嫩。
蒜薹食落味道係有少少辛辣之中帶微甜，我幾鍾意😝
兩個木桶飯都係午市套餐，送罐裝或者紙包飲品，店員好好人話俾我哋轉津路🤩
.
另外叫咗三個小食。
涼拌牛柏葉係加咗黑醋，食落好開胃。芫荽味道幾重，所以唔食芫荽嘅人要留意啦！(應該係因為芫荽味太重，男朋友話麻麻哋🤣)
黃金皮蛋正正常常。
口水雞食落少辣，有麻味，其實味道唔錯，不過雞肉唔算滑。
.
見到好多人嚟食都會叫酸菜魚，有機會都可以一試。
今餐整體最有驚喜都係湘西外婆菜😝飯桶一定會滿意🤣
PS 呢到午市要加一
张贴
