神輿日本料理 (已結業)

今次同朋友黎試哩間新開既放題，價錢唔貴，而且岩岩開既關係，非常整潔，而且座位好寬敞，食得舒服！店員又快手，上菜又快，唔錯喎。講返野食先，一開始梗係要叫刺身同壽司食，刺身上得好快，不過擺得好平實😂，除左三文魚腩外其他都上得好足，甜蝦、三文魚質素都唔差。壽司方面件件都好細，唔怕會食飽。熟食方面反而好驚喜，天婦羅、炸物都新鮮熱辣。最正係章魚小丸子，做到外脆內軟而且粒粒都新鮮，encore左幾次😍。羊架大大件，好有羊味。冷烏冬同冷麵都做得出色唔hea，食埋真係飽到上心口。