阿四車仔麵 (已結業)

屋企附近開咗間新嘅車仔麵，大無畏精神走入去挑戰一下，點知中曬伏。由於係一個舊區，相對景觀都比較不堪入目，而且仲有啲古古怪怪嘅人經過橫街小巷， 而店舖嘅設計竟然係有一啲面壁位，亦有一啲係面玻璃位（對街）， 食食下嘢畀啲怪人望呢望去，真係非常倒胃口！都係以傳統嘅剔剔紙去落單， 款式都算唔少， 如飲品價錢都尚算合理， 要叫一個面加三個餸或者四個餸起標， 有啲女仔細食啲，都有機會食唔曬。我叫咗魚片頭、酸齋同雞翼， 另外有沙嗲汁。酸齋唔夠淋，個味怪怪的 。沙嗲汁唔算惹味 。魚片頭來貨嘢ok。雞翼入口即溶，彷彿已經煮咗或者浸咗好耐。要讚嘅，係佢用托盤上，感覺比較衛生。