影片
更多
2016-10-09
322 浏览
之前去日本食壽司嗰陣時候，見到人哋非常之潮流，就係用電子點餐，跟住啲嘢食會自動用機器，放喺自動傳輸帶可以送到去你個位，完全全自動化嘅服務，不涉及人手。估唔到依家香港都有啦！但係唔知有咗幾耐呢？我呢啲大鄉里就剛知道呢一間新幹線店，位於觀塘嘅APM商場。初頭間嘢係喺地下嘅，而家就搬左上去戲院嗰層。全新設計，全新裝修。呢度嘅午餐原來係無午市套餐，坐低就有一部電子iPad俾你安排點餐，全部都係散叫嘅。嘢食有壽司，面類，湯類，炸物同埋甜品。我地一行三人叫左壽司，烏冬，仲叫咗少少炸物。佢啲壽司嘅質素來講都比以前好，而且出餐嘅速度就好快，啱啱先點完，唔使1分鐘已經送到去你面前。首先有幾款係值得推介嘅，就有煙熏三文魚壽司啦，三文魚腩壽司，辣三文魚軍艦，帶子壽司，都唔錯嘅選擇。野菜天婦羅烏冬，係值得推介嘅食物，唔係以自動方式攞出，可能因為係湯嘅問題，佢係用人手捧出嚟，個天婦羅有手掌咁大，食落去係熱辣辣，烏冬都幾彈牙，唔係話用平價貨。一個30蚊左右，所以個價錢價錢同埋質素講得係ok。另外一個推介就係天婦羅炸吞拿魚手卷，估唔到呢個手卷外層脆卜卜，咬落去有紫菜嘅香味，然後就係飯加吞拿魚做餡，再點埋沙津醬，整個
估唔到依家香港都有啦！但係唔知有咗幾耐呢？我呢啲大鄉里就剛知道呢一間新幹線店，位於觀塘嘅APM商場。初頭間嘢係喺地下嘅，而家就搬左上去戲院嗰層。全新設計，全新裝修。
呢度嘅午餐原來係無午市套餐，坐低就有一部電子iPad俾你安排點餐，全部都係散叫嘅。嘢食有壽司，面類，湯類，炸物同埋甜品。
我地一行三人叫左壽司，烏冬，仲叫咗少少炸物。佢啲壽司嘅質素來講都比以前好，而且出餐嘅速度就好快，啱啱先點完，唔使1分鐘已經送到去你面前。
首先有幾款係值得推介嘅，就有煙熏三文魚壽司啦，三文魚腩壽司，辣三文魚軍艦，帶子壽司，都唔錯嘅選擇。野菜天婦羅烏冬，係值得推介嘅食物，唔係以自動方式攞出，可能因為係湯嘅問題，佢係用人手捧出嚟，個天婦羅有手掌咁大，食落去係熱辣辣，烏冬都幾彈牙，唔係話用平價貨。一個30蚊左右，所以個價錢價錢同埋質素講得係ok。
另外一個推介就係天婦羅炸吞拿魚手卷，估唔到呢個手卷外層脆卜卜，咬落去有紫菜嘅香味，然後就係飯加吞拿魚做餡，再點埋沙津醬，整個配搭幾好。
再講拒個牛肉炸薯餅，熱就唔再講啦，佢內面嘅薯容軟熟，再入邊係免治牛肉，免治牛肉唔係硬身亦都唔係一大舊嘅，係一d牛肉碎加d汁，依家喺度諗番都真係幾好味！
改革之後，無論係環境或食物嘅質素都有所提升，價錢來講又唔算係十分之貴，但係我覺得午餐都可以有午市套餐選，更適合打工仔嘅需要。
张贴
