影片
更多
2018-03-06
92 浏览
最近聽到九龍灣開咗一間以新幹線列車為主題嘅壽司餐廳。一聽到列車壽司就感覺好特別，於是慕名而來試一試 七點鐘去到見到其實都有唔少人，不過好好彩唔使等位都入得喇。餐廳好光猛，座位亦都比一般壽司舖闊落。枱上面設備好齊全，有茶包啦，wasabi 同紙巾等等，好方便....每個人抬頭都會有一部pad點嘢食。食物種類都幾豐富，前菜，刺身，軍艦，手卷，炸物，飲品樣樣都有，任君選擇！ 如果有需要搵店員嘅話，pad上面仲有一個按鈕叫服務鈴，一按完服務員好快到，唔錯唔錯！超好玩呀，叫完嘢食等咗陣就有一架新幹線列車送埋嘢食嚟到個位前面，好興奮囉！！ 前前後後送咗黎幾次，每次都超興奮，覺得好得意好新鮮！！呢排餐廳好似做緊特別優惠，$20蚊海膽三色迷你丼，好抵食呀！三文魚有兩片，吞拿魚兩片，中間仲有最正嘅海膽！全部刺身都好新鮮，特別係海膽，好鮮甜蟹籽沙律呢個又係好抵食，好大兜，蟹子大大粒非常多軟殼蟹手卷軟殼蟹炸得好脆，估唔到隻蟹仲有膏添，食到舐舐脷忍唔住encore叫多一嚿燒雞骨腸 雞骨腸外脆內軟，雞肉好juicy，整得幾好味燒多春魚 整得好脆，每條都脹卜卜好多春，好滿足呀食咗個海膽丼之後真係食過返尋味，忍唔住
七點鐘去到見到其實都有唔少人，不過好好彩唔使等位都入得喇。餐廳好光猛，座位亦都比一般壽司舖闊落。
枱上面設備好齊全，有茶包啦，wasabi 同紙巾等等，好方便....
每個人抬頭都會有一部pad點嘢食。食物種類都幾豐富，前菜，刺身，軍艦，手卷，炸物，飲品樣樣都有，任君選擇！ 如果有需要搵店員嘅話，pad上面仲有一個按鈕叫服務鈴，一按完服務員好快到，唔錯唔錯！
超好玩呀，叫完嘢食等咗陣就有一架新幹線列車送埋嘢食嚟到個位前面，好興奮囉！！ 前前後後送咗黎幾次，每次都超興奮，覺得好得意好新鮮！！
呢排餐廳好似做緊特別優惠，$20蚊海膽三色迷你丼，好抵食呀！三文魚有兩片，吞拿魚兩片，中間仲有最正嘅海膽！全部刺身都好新鮮，特別係海膽，好鮮甜
蟹籽沙律
呢個又係好抵食，好大兜，蟹子大大粒非常多
軟殼蟹手卷
軟殼蟹炸得好脆，估唔到隻蟹仲有膏添，食到舐舐脷忍唔住encore叫多一嚿
燒雞骨腸
雞骨腸外脆內軟，雞肉好juicy，整得幾好味
燒多春魚
整得好脆，每條都脹卜卜好多春，好滿足呀
食咗個海膽丼之後真係食過返尋味，忍唔住叫多個特色海膽壽司。啲海膽又係冇得頂，非常鮮甜，齒頰留香
火焰芝士海鰻壽司
海鰻都幾大條，完全冇骨，入口啖啖肉！
配埋火焰芝士，味道非常之夾
蟹肉忌廉薯餅
外皮炸得非常脆，冇乜油！
入面真係有蟹肉㗎，正呀
列車壽司真係幾特別，有得玩有得食，價錢又合理。好適合一家大細帶埋小朋友嚟食，小朋友一定好興奮
张贴
