九井壽司 (已結業)

開響九樓兒童層明顯係主打親子客，裝修鐵路主題，有新幹線送餐，又有得玩抽獎，又有圖書借閱，門口仲有free toys添✨最大賣點一定係佢個抽獎，每次點餐只可以揀四樣食物，揀完之後四件壽司就會去搭過山車，睇下佢地途中有冇跌散就知佢成唔成功㗎喇✨ 就連我呢個零抽獎運嘅我都抽中咗件手卷呢😍呢度啲壽司飯量都幾大，當中比較得意嘅係鮑魚壽司，連埋殼咁上都幾IGABLE，另外比起壽司我更推薦佢啲刺身，切到超厚身，食舊塞落口啖啖肉好滿足✨而家仲有promo做緊，其中三款刺身丼半價，望落好似好細碗咁但都幾多飯，抵食之選呢😏話說佢個點餐芒都幾敏感，點餐時要注意一點有冇點錯，我地就因為掛住抽獎見滿哂即噤，嚟到先發現原來叫多咗件蟹籽手卷😂有點幾好嘅係佢啲嘢食全部都係用新幹線送嚟，而且嚟果陣個螢幕會有提示，都幾貼心下😗