熨烤達人 (已結業)

跟朋友行街買嘢辦年貨，來到鑽石山，行得攰攰哋，就去找東西吃，見到呢一間韓式燒烤店， 裝修好有趣、好特別，於是就入去品嚐一下，試一試。原來佢哋主要係食韓燒，都有其他嘢食。我同我朋友叫咗個磚頭五花肉，好特別喎，呢個磚頭五花肉，佢用個類似熨斗嘅鐵板砸住五花肉，聽講這樣可以保持平均温度， 令肉汁保存，食落真係唔錯喎，五花肉呢好juicy，好有質感，燒到佢啱啱好，佢有啲菜畀你包住嚟食，又唔會太膩，真係太好喇。跟住我叫了一個特級雪花牛，牛都唔錯，佢都係肥瘦肉好均勻，好好食，又唔算肥，佢有六塊，砌得唔算好厚，味道都唔錯。還有牛肩胛肉、都好嫩，牛舌都不錯。加埋個 猩星沙律，真係一個好嘅配搭。最後喝杯焦糖爆谷白朱古力雪沙，有爆穀食，白朱古真係好。呢度係一間幾好嘅韓燒食嘢嘅好地方。