舖面面積大，有好多餐桌座位，適合坐在度傾計。
因環境所限，全店戶外沒有空調，如果夏天可能比較熱。
幸好當日有涼風，非常舒服。
餐牌
晚餐價錢由$70至$138，價錢不貴。
加$15就可多一個餐湯，我就選了周打蜆湯可惜已賣光，職員幫我轉了龍蝦湯。
龍蝦湯味道好濃郁，龍蝦味亦好重，
香濃的湯夾雜蝦的鮮味，
如果加一些肉和配菜，口感更加好更完美。
龍蒿芥末芝士伴低溫慢煮三文魚
平時我們食開三文魚用煎烹調方法，
反而用低溫煮可以做到外熟內生，完全可以體驗到兩種的口感，非常神奇又好味！
伴上特别的龍蒿草油和芥末芝士，無法想像芥末、芝士、草油加入，三文魚味道反而清新。
配上藜麥和軟綿薯蓉，一硬一軟的配搭令整個主菜變得更飽肚。
12小時慢煮啤酒惹味牛肉
慢煮牛肉煮得非常之軟，而且加入花雕酒、花椒、八角、德國啤酒，味道非常配合及驚喜！
好香的牛腩，超級入味的蘿蔔，配上珍珠米！
而飲品方面就加$10轉左其他特飲
星空特飲—變色
最吸引我的是註明會變色，好期待上枱的一刻。
終於上枱啦，一杯藍藍地色漸變透明。
可以根據自己喜好將一小杯檸檬汁加入飲品，由藍色漸變為淺紅／淺紫色，好神奇好療癒！
整個過程好似做緊實驗，又好玩又可以滿足埋視覺享受。
