影片
更多
2022-11-08
740 浏览
好多人都話天水圍係美食沙漠，講真，住左係度咁耐，真係覺得附近無咩好野食。早幾日見到有鄰居拎住兩大個橙色紙袋外賣，就問佢係咩黎，原來濕地公園附近開左間外賣店叫「架勢廚房」，今日同朋友去完濕地公園，就趁機買返屋企試下啦。係外賣店黎講，選擇都算多，有一人餐，二人餐，單點食物，飲品及甜品。我地一行四人，叫左兩個二人餐，再加小食，甜品及飲品。二人餐開業優惠下只係$83，有兩個主食同兩款罐裝飲品，亦可以加配小食。主食方面有5款，兩個二人餐下我地揀左四款，分別係古早味滷肉便當、酸辣雞排便當、鹽酥豬扒便當同鹽酥雞香腸便當。每個便當除左有白飯同主食之外，仲有菜，醃青瓜同糖心蛋。古早味滷肉便當：滷肉好多汁，肥瘦肉均勻，送飯一流，非常開胃，同係台灣食到嘅真係好相似。酸辣雞排便當：雞排炸得外脆內軟，層次非常豐富，就算外賣返到屋企都依然咁好味，配埋酸辣粉，簡直一流。鹽酥豬扒便當：鹽酥豬扒炸得香脆可口，食落外脆內軟，入口鬆軟多汁，唔會覺得油膩。鹽酥雞香腸便當：鹽酥雞肉質嫩滑，椒鹽味剛剛好，好有台灣夜市食到嘅風味。香腸亦都係我喜歡嘅台式小食之一，味道甜甜地，同鹽酥雞一齊食真係非常夾。配菜方面除左有菜同醃青瓜之外，仲
早幾日見到有鄰居拎住兩大個橙色紙袋外賣，就問佢係咩黎，原來濕地公園附近開左間外賣店叫「架勢廚房」，今日同朋友去完濕地公園，就趁機買返屋企試下啦。
係外賣店黎講，選擇都算多，有一人餐，二人餐，單點食物，飲品及甜品。我地一行四人，叫左兩個二人餐，再加小食，甜品及飲品。
二人餐開業優惠下只係$83，有兩個主食同兩款罐裝飲品，亦可以加配小食。
主食方面有5款，兩個二人餐下我地揀左四款，分別係古早味滷肉便當、酸辣雞排便當、鹽酥豬扒便當同鹽酥雞香腸便當。
每個便當除左有白飯同主食之外，仲有菜，醃青瓜同糖心蛋。
古早味滷肉便當：滷肉好多汁，肥瘦肉均勻，送飯一流，非常開胃，同係台灣食到嘅真係好相似。
酸辣雞排便當：雞排炸得外脆內軟，層次非常豐富，就算外賣返到屋企都依然咁好味，配埋酸辣粉，簡直一流。
鹽酥豬扒便當：鹽酥豬扒炸得香脆可口，食落外脆內軟，入口鬆軟多汁，唔會覺得油膩。
鹽酥雞香腸便當：鹽酥雞肉質嫩滑，椒鹽味剛剛好，好有台灣夜市食到嘅風味。香腸亦都係我喜歡嘅台式小食之一，味道甜甜地，同鹽酥雞一齊食真係非常夾。
配菜方面除左有菜同醃青瓜之外，仲有糖心蛋，令到整體賣相非常吸引。
跟餐我地加左＄17要個滷肉青菜，份量都比想像中多，一口滷肉一口青菜，真係能減低罪惡感。
除此之外，我地仲加左個韓醬有骨炸雞，醬汁揀左蜂蜜芥末，返到屋企發現原來全隻雞件都鋪滿醬汁，雞肉肉質嫩滑，配埋香甜嘅蜂蜜芥末醬，食落酸酸甜甜，非常開胃惹味。
甜品方面，我地試左黑糖芋圓仙草，配料有三色芋園同仙草，芋圓非常彈牙，食落煙韌，唔會太甜，配埋仙草，好有口感，食落好清涼，食完咁多炸物食呢個甜品，感覺真係非常清新。
飲品方面，我地兩個二人餐都配左罐裝可樂，再另加一個蜜桃四季春果茶，果味香濃，帶輕輕嘅茶味，唔會太甜。叫左咁多野食，都只係$278，平均每人都唔洗$70，真係非常超值呀。
张贴
