Woofy (已結業)

去完沙田新城市寵物樂園同主子玩完見11點左右奴才們已經排晒隊，我都唔執輸排埋一份，11:30 開門，唔排定要等下一輪。主子一個餐牌，奴才一個餐牌，我地叫左甘筍蛋糕俾主子試，我地叫左豬腩肉意粉（好味），帶子意粉（都好味，而且有驚喜有成5粒帶子），意粉份量女士應該夠，男士忟d。再叫左兩個漢堡，燒汁好味，蕃茄同菜都食得出新鮮，漢堡扒都唔乾，炸蕃薯條熱辣辣好味。主子個蛋糕應該好味，唔洗一分鐘KO。不過可能新開張，有d混亂，開頭QR code 落唔單，落到後又黎既野錯，之後又問左n次d野齊未，都係未齊。希望下次會改善。