影片
更多
2018-10-22
32 浏览
隨住呢個廣場幾乎都俾自由行攻陷,人又多又擠逼,所以已經有好一段時間冇嚟過沙田行街食嘢,但係喺香港地想放假搵啲節目嚟打發吓放假嘅時間又唔容易,去得多油尖旺都會悶,今日同阿肥就把心一橫搭車過嚟同啲拖喼黨死過正所謂我不入地獄誰入地獄?!冇理由呢度係我哋地頭,要我哋避佢哋架!係咪先~~~一出到火車站,唔洗行到盡,沿途見到原來搭𨋢直上七樓就會有一個美食天堂,嘩......嚟咗咁多次新城巿廣場都唔知原來呢楝嘢係有七樓咁高,因為每次都以為淨係眼見嘅三四層shopping mail,今次真係大有發現。上到嚟打咗個圈,原來各國嘅美食都有,不過最吸引我哋嘅就係呢一間店舖雖小但係裝修精美嘅Mimila。眼見裡面乾淨企理,門口清楚見到一啲藍橙色直條式鐵窗裝飾富有濃濃嘅馬來西亞風情,再望一望餐牌見到有我哋兩個都鍾意食嘅香口嘢,所以就入咗去試下喇。餐牌圖文並茂更覺吸引,見到有好多款都想試,但阿肥就唔食得辣嘢,所以人哋最主打嘅辣蝦麵同埋沙嗲佢就冇叫喇,佢諗住我叫咗就淺嚐下我嗰啲就算lu。佢自己叫嗰啲大都係唔辣嘅菜式,不過食完我都覺得好滋味呢碗係阿肥叫嘅馬來小島($48蚊),個名好別緻,原來係肉脞湯配有墨魚丸+魚片+
一出到火車站,唔洗行到盡,沿途見到原來搭𨋢直上七樓就會有一個美食天堂,嘩......嚟咗咁多次新城巿廣場都唔知原來呢楝嘢係有七樓咁高,因為每次都以為淨係眼見嘅三四層shopping mail,今次真係大有發現。
上到嚟打咗個圈,原來各國嘅美食都有,不過最吸引我哋嘅就係呢一間店舖雖小但係裝修精美嘅Mimila。眼見裡面乾淨企理,門口清楚見到一啲藍橙色直條式鐵窗裝飾富有濃濃嘅馬來西亞風情,再望一望餐牌見到有我哋兩個都鍾意食嘅香口嘢,所以就入咗去試下喇。
餐牌圖文並茂更覺吸引,見到有好多款都想試,但阿肥就唔食得辣嘢,所以人哋最主打嘅辣蝦麵同埋沙嗲佢就冇叫喇,佢諗住我叫咗就淺嚐下我嗰啲就算lu。佢自己叫嗰啲大都係唔辣嘅菜式,不過食完我都覺得好滋味
馬來小島
$48
4 浏览
0 赞好
0 留言
呢碗係阿肥叫嘅馬來小島($48蚊),個名好別緻,原來係肉脞湯配有墨魚丸+魚片+貢丸+魚蛋同埋芽菜,橢圓形嘅碗子就好似一架小艇咁,試咗一小口個肉脞湯味道清香,浸到啲芽菜入哂味,每款食物都雙倍份量所以我哋亙相都可以試得到。我怕阿肥唔夠飽所以我淨係食咗佢粒墨魚丸就算啦,
啲丸都煮到啱啱好唔會烚一烚就算,有嚼勁~
馬來辣海鮮湯
$118
4 浏览
0 赞好
0 留言
馬來辣海鮮湯
$118
0 浏览
0 赞好
0 留言
我就唔怕辣嘅,所以就叫咗碗馬來辣蝦海鮮湯($118蚊),餐牌上面嘅湯底全部都可以配上粉麵,而我不知道咩叫"摻摻"? 溫文有禮嘅店員介紹番原來"摻摻"嘅意思即係米粉+油麵兩種都有,一於就叫嚟試下~裡面嘅餸菜有鮮蝦+墨魚仔+魷魚翼+帶子同埋蟹棒五款,對我嚟講份量超多,基本上唔會話好馬虎咁每樣得一件,全部都起碼三件,好豪氣首先撈起啲粉麵上嚟試咗個湯底味道先,辣度夠高,刺激味蕾,再加上成碗湯煲熟超熱,唔怪得之令人口水分泌旺盛,超級過癮,啲餸菜亦都入哂味証明佢哋都曾經被醃煮過,唔似得一啲好求其嘅地方可能只係用滾水淥一淥熟就咁放入啲湯度令到啲餸根本冇味,此舉確實值得一讚魷魚翼一小個三角形狀非常可愛,入口有韌度,同墨魚仔嘅味道清晰分明,帶子令人驚喜夠哂彈牙,絕對唔係雪藏貨色,雖然三隻蝦令我食起上嚟都帶點尷尬因為要自行剝殼不過蝦肉鮮味十足,食得慢啲都值得
馬拉併盤
$128
1 浏览
0 赞好
0 留言
兩個人叫嘢食最好就係有得開心share,所以叫番個馬拉併盤($128蚊)夠哂豐富,裡面有串燒三串+炸蝦雲吞+老巴剎雞翼+蝦網春卷+魚肉墨魚卷上碟嘅時候賣相非常吸引,仲配有兩款醬汁用嚟沾點,串燒可以任由自己喜好選擇要豬或者要雞,我哋都偏好食雞肉多啲,雞肉串雖然唔係好大條不過就勝在燒得剛好唔會太乾,點埋個沙嗲醬就無敵花生味道令人超開胃,用嚟點中間嗰小小菜絲沙律都極為yummy~除咗隻老巴剎雞翼味道較為普通之外,其他炸物都非常香口出色,各有各嘅香氣盡出,春卷嘅蝦網超薄入口香脆,炸蝦雲吞裡面新鮮蝦肉,配點甜酸醬真係大人細路都鍾意。魚肉墨魚卷彈牙又好味,人哋已經有六條咁多我都想食埋阿肥嗰份呢碟併盤一流呀!!!!!!
芒果芝士凍餅
$58
4 浏览
0 赞好
0 留言
阿肥見到呢款甜品就兩眼發光,因為係佢至愛嘅水果口味：芒果芝士凍餅($58蚊),聽聞話馬來西亞嘅甜品都注重原材料製作,不加花巧功夫,所以就咁睇佢嘅賣相唔會係切面滑溜,反而係一睇就知道自家手做,芒果蓉打碎然後再混合忌廉芝士攪拌而成,裡面仲加插清晰可見嘅粒狀鮮芒果,底部全靠一塊簡單嘅消化餅底,雪至冰凍後口感creamy,果味濃郁溢出嘴內,心思思都想叫多件呀
馬來奶茶+菠蘿茶
$62
3 浏览
0 赞好
0 留言
张贴
