滿樂中菜 (已結業)

新開嘅戲曲中心除咗有粵曲睇之外，原來周圍仲有好多不同嘅打卡地方，真心呢個地方真係一個唔錯嘅地方。所以早前就約相係附近玩之外再試吓佢哋其中一間中餐廳。今次呢間中餐廳環境真係十分優雅，好適合一大班朋友/家庭去食飯，而且食物水準亦相當高。燒味雙拼（叉燒、燒腩仔）先來頭盤燒味已經令我印象深刻，因為佢嘅擺盤已經相當精緻睇見就想食，味道更加唔係虛有其表，特別叉燒肥瘦適中相當軟淋真係人間美味。而燒腩仔同樣出色，皮亦相當脆口真係唔錯。招牌片皮鴨接著又到招牌菜片皮鴨真係好好味，因為真係鴨香皮脆，師傅即場片鴨而聞到佢嘅香味。而且片皮鴨仲可以一鴨三食，鴨肉相當肉嫩多汁，每種食法都有不同滋味。杏汁燉白肺湯推介嘅菜式，呢個湯真係飲完都返尋味，杏汁濃郁相當滋潤，白肺爽口兩種配合真係相得益彰。肉餅蒸蟹圈第一次見到肉餅配蟹呢個組合，但係這個菜式真係出奇地夾，而且10分鮮味。首先蟹肉真係10分新鮮，食到蟹嘅甜味，而肉餅亦吸收咗蟹汁嘅精華，推介。