隨意米線 (已結業)

一碗加一碟。見新開張試試佢，叫咗麻辣湯底要小辣，走芫荽蔥，揀咗豬大腸，蟹柳同牛栢葉，另再加小食滷水雞翼，作為食評新手嘅我，唔知用咩形容詞嚟表達比好食更加好。湯底夠麻夠辣，係小辣已經夠辣（以我唔食得辣嚟講），食完亦唔會有頸渴嘅感覺，冇味精，正。至於蟹柳基本嘢，豬大腸夠淋，牛栢葉唔韌，一咬就斷。滷水雞翼好滑，脹卜卜，唔鞋口，唔錯。仲有其他味道嘅湯底，我諗應該都唔錯，下次再試吓酸辣先，因聽到隔離話幾好味。可以再次光顧。