三洋餐廳 (已結業)

同呢間野新開又肚餓，就坐低食個下午茶。炸雞翼拼薯角雞翼有咸香味，炸得夠脆，好食。同一般餐廳唔同，佢唔係薯條係薯角，薯角本身有咸味，唔駛點茄汁都好好味。奶油豬+火腿腸仔奄列奶油豬夠脆又夠多牛油同媡奶，多到流左啲落奄列到。奄列都算滑，但就唔夠多料。我係叫常餐，食哂上面啲野，個蕃茄湯通粉都仲未黎。於是追下啦，點知一問佢就話好早已經無蕃茄湯，問我轉咩，我地就話落單果陣無人同我地講過，要追你先問轉咩。侍應都係堅持係無架喇，你轉咩。一肚氣，拿拿聲食完就走，所以個通粉無影到相。