影片
更多
2022-05-06
244 浏览
經過裕民坊中心，趕時間又肚餓，附近都係茶飲店或茶餐廳，好彩見到有齊柏林熱狗，在裕民坊中心側門出口的對面，專做外賣，就被門口的 "黑松露醬薯條" 海報吸引左，之前見到網上廣告已經好想食，就極速衝入去，好快就可以取食物，超有效率。 我同朋友點左2款熱狗，加錢跟餐有薯條汽水，另再加小食。等待期間，有個開心大發現，就是牆上的海報，睇到原來熱狗的麵包，係自家廠房生產熱狗包，香港製造，日式湯種製作而不含防腐劑！而食客除左咁多款熱狗主題口味，仲可以單點個包都係$8，好抵食！ 而飲品都好多選擇，除了普通汽水和樽裝飲品，之前見過自家奶茶，最近有 "菊9汽‘’ 銀菊露汽水，聽落係健康與邪惡之間，好奇所以忍唔住轉飲，跟餐加$8。 =德國酸菜熱狗 $40=平時食開的熱狗口味，有腸有煙肉加茄準芥末汁，而今次特別足料，超多酸菜滿瀉，食得超滿意，味道夠酸！特別要讚個熱狗麵包，比以前食開的更大個，可能因為改左用自家廠房製作之後，配方用日式湯種，食落超鬆軟，而且唔會油，令整個口感滿足。 =澳式風情熱狗 $38=人氣的熱狗口味，有腸芝士煙肉菠蘿加千島醬。同樣麵包變得超鬆軟，比以前更大個，餡料豐富，味道調節剛好，芝士煙肉都
我同朋友點左2款熱狗，加錢跟餐有薯條汽水，另再加小食。等待期間，有個開心大發現，就是牆上的海報，睇到原來熱狗的麵包，係自家廠房生產熱狗包，香港製造，日式湯種製作而不含防腐劑！而食客除左咁多款熱狗主題口味，仲可以單點個包都係$8，好抵食！
而飲品都好多選擇，除了普通汽水和樽裝飲品，之前見過自家奶茶，最近有 "菊9汽‘’ 銀菊露汽水，聽落係健康與邪惡之間，好奇所以忍唔住轉飲，跟餐加$8。
=德國酸菜熱狗 $40=
平時食開的熱狗口味，有腸有煙肉加茄準芥末汁，而今次特別足料，超多酸菜滿瀉，食得超滿意，味道夠酸！特別要讚個熱狗麵包，比以前食開的更大個，可能因為改左用自家廠房製作之後，配方用日式湯種，食落超鬆軟，而且唔會油，令整個口感滿足。
=澳式風情熱狗 $38=
人氣的熱狗口味，有腸芝士煙肉菠蘿加千島醬。同樣麵包變得超鬆軟，比以前更大個，餡料豐富，味道調節剛好，芝士煙肉都有微微的烘烤味，滋味十足。
=跟餐配薯條+菊9汽汽水 +$15+$8=
可以選薯條栗米或菠蘿，今次見到有薯餅選擇！最後都點了薯條加汽水。薯條炸得香脆，而飲品加8蚊，飲下新出的菊9汽汽水，即係銀菊露汽水，比想像中易入口，銀菊露味道濃郁，而且唔甜，氣泡夠多，食完薯條熱狗再飲，感覺好夾又清新，推介菊9汽！
=黑松露醬大薯條 $30=
為左食黑松露味道先落單，果然沒有令我失望，松露濃郁夠味，口感唔會太肥膩，叫大薯條會有2盒醬，份量剛剛好。薯條用粗薯條，炸得香脆，就算外賣放涼一會兒，依然保持脆口，黑松露迷一定要食。
=香脆雞塊(6件) $15=
雞件的炸粉不厚，皮夠脆又薄身，所以雞肉味道更明顯，令件雞塊都平均大件，食落啖啖肉，有燒烤醬配搭。價錢算抵食，跟朋友分享都不錯。
张贴
