影片
更多
2025-07-07
0 浏览
之前一直聽人講新北江好多野食，但從來未去過🫢……入面中日台韓野都有 (見最多係川菜)，由於鍾意食麵，同埋見坐滿人咁濟，就決定試呢間刀削麵，坐低望到廚房，見到真係人手搓麵同削麵，佢有好多刀削麵餐可以揀，我地就叫咗麻辣餐嘅，配凍豆漿都只係+$3，非常抵！叫咗個冰鎮露荀，淋咗好多胡麻醬，食落幾Fresh幾夾 (不過露荀本身唔算好靚) ，刀削麵方面，麵個口感係好食的，而且要讚個湯底，就算叫唔辣，都夠濃同有層次，好食過出面食嘅刀削麵湯底，仲搭咗兩條生菜，餸一定要叫炸豬扒！好好食！係可以用鬆軟嚟形容佢個肉質，味道亦好足！至於牛筋同大腸就正常發揮，見人地叫口水雞都好似不錯，豆漿飲得出係鮮製，無加糖～下次想再嚟試其他野食！
但從來未去過🫢……
入面中日台韓野都有 (見最多係川菜)，
由於鍾意食麵，同埋見坐滿人咁濟，
就決定試呢間刀削麵，
坐低望到廚房，見到真係人手搓麵同削麵，
佢有好多刀削麵餐可以揀，
我地就叫咗麻辣餐嘅，
配凍豆漿都只係+$3，非常抵！
叫咗個冰鎮露荀，淋咗好多胡麻醬，
食落幾Fresh幾夾 (不過露荀本身唔算好靚) ，
刀削麵方面，麵個口感係好食的，
而且要讚個湯底，就算叫唔辣，
都夠濃同有層次，好食過出面食嘅刀削麵湯底，
仲搭咗兩條生菜，
餸一定要叫炸豬扒！好好食！
係可以用鬆軟嚟形容佢個肉質，味道亦好足！
至於牛筋同大腸就正常發揮，
見人地叫口水雞都好似不錯，
豆漿飲得出係鮮製，無加糖～
下次想再嚟試其他野食！
张贴
