海南少爺 (已結業)

今日一去街就落雨落到好似瀑布咁，行行下街想食東南亞風味既菜，又吾想食泰菜，就簡左呢間新加坡菜，一於搵下有咩食先，係你啦！ 海南少爺哇 好好彩，今日可以落住大雨坐到窗邊望住個海，Chill到爆炸，成件事超滿足 -椰香海鮮喇沙 $108 🌶都未坐低就決定要食椰香海鮮喇沙，自己本身係喇沙迷加上好耐無食東南亞野，上餐打卡，馬上就食，湯底椰奶味好足好香而且面底有麵線，米線，大滿足-印尼炒飯配沙嗲串燒 $118見到張圖既時候已經特別想食印尼炒飯，咁當然就要落單食啦，炒飯上枱，顏色幾靚，有隻蛋同2串牛肉串燒，食左第一啖超級開胃，係用老抽加甜鼓油炒既印尼炒飯，超級好食，串燒就可能乾身左小小，不過有印尼炒飯都幫串燒加成左-肉鬆煉奶夾酥餅 $82呢一款肉鬆煉奶夾酥餅都幾特別既甜品，有別於一般既鹹味夾酥餅，建議各位美食獵人食既時候先好點，因為凍左之後比較吾脆口-香脆蜜糖單骨雞翼 $82 (6pcs)一個字脆，一共有6塊如果大食既仲有12隻既選擇比各位美食獵人，不過奇怪食吾到蜜糖既甜味，反而靠泰色辣醬昇華左-美祿哥斯拉 $35(美祿,曲奇碎,燕麥,忌廉)美祿哥滋奶恐龍正，美祿加上曲奇碎完美既組合但又吾會太甜，