內裏乾淨企理，坐落非常舒適
天天海南雞 🐔
招牌菜海南雞果然出色！雞肉嫩滑，份量可以選中份或大份，醬汁有黑醬油、辣醬同薑蓉，無論你鍾意咩口味都可以滿足。叫海南雞梗係少唔得叫雞油飯，飯香得嚟又唔會太油膩
豬肉骨茶小火鍋 🍲
呢個小火鍋藥材味唔算太重，胡椒味比較重，對我來講幾岩。入面有一字骨、豬肚、枝竹、冬菇、雞蛋、夠唒入味。另外配上芽菜同米粉，可以好似隨意放入小火鍋去烚，吸哂湯既精華，真係好好味！
小籠包（四隻）🥟
即叫即蒸的小籠包，熱辣辣，皮薄得嚟包住滿滿新鮮豬肉餡，配上醋汁，味道更加惹味，實在係一絕！
咖央醬炸饅頭 🍞
平時我哋通常食咖央多士，今次第一次試炸饅頭，竟然出奇地幾夾！口感香脆，加上咖央醬，真係令人驚喜！總括來講，過江龍不單止有海南雞，仲融合咗好多唔同風味，真係值得再來！✨
1
