星怡 (裝修中)

朋友帶我黎到呢間位於現崇山商場內既新加坡菜餐廳,入面有分戶外同室內位置坐,室內入面好似去左水族館咁,一入到去就見到好大幅鯨魚畫同水母畫咁環境好靚,食物選擇真係好多,花多眼亂,我地坐低叫左一份咖央多士,都幾大份好有4件咁多,脆卜卜咁,另外叫左一碗新加坡魚蛋喇沙麵,喇沙湯底香味濃郁,甜而不辣,麵都算彈牙,小編推介魔鬼魚煎蛋椰漿飯,椰漿飯甜甜地紫藍色好吸引,配埋魔鬼魚既軟淋肉質又無骨幾好味。魔鬼魚比較少見但都幾特別。