蚊蚊豬老火鍋 (已結業)

放工後約男友來蚊蚊豬，點知男友去錯太子分店，好彩行過來深水埗新分店都唔遠，但佢做事咁大意都忍唔住嬲嬲佢。$268 有羊腩煲（餐廳期間限定一鍋）或者烤魚之後可以轉火鍋湯打邊爐，更有刺身、雪糕、飲品等刺身有三文魚、八爪魚、鮑片、魷魚、甜蝦等，而且都幾新鮮。每台送一台海鮮拼盤，有鮑魚、帶子、青口同埋蝦。自己最鐘意食鱔片，夠鮮味~自己和男友就驚眼寬肚窄，加上好耐都未食過烤魚，於是先點了泡椒酸湯味，有需要時先再叫羊腩煲。烤魚好大條，上面鋪滿芫茜，香濃酸辣惹味，外脆內嫰魚肉。火鍋料用手機QR CODE 自己落單，牛肉都有幾款選擇，有封門柳prime、安格斯肥牛、牛板腱prime等 ，牛胸爽，牛黃喉等等任食，且幾高質。睇落花紋不錯，牛肉嫩滑牛味濃。炸饅頭外微脆內軟淋仲有雪糕飲品小食，選擇好多，美食當前怒氣也消。