8號茶居 (順發樓) (已結業)

行過巴士總站見8號茶居開左新分店，同朋友入去試下先。點心紙同朗屏分店差唔多，一樣有套餐、蒸飯、燉湯等。點左幾款點心同飯，飲啖茶慢慢等食先。茶開左壺鐵觀音，水滾茶靚。8號蝦餃皇隻蝦餃超大隻，仲大過隻匙羹㗎，蝦肉爽甜好好食。黑松露野菌粉果粉果又係大大隻，好香黑松露味，雜菌鮮甜。沙嗲牛仔骨牛仔骨入味，啖啖肉正呀。雜果沙律春卷即炸春卷夠香脆，沙律甜美。時令臘味蒸飯飯蒸得乾身粒粒分明，吸了臘味油好正，枱上有豉油可自行加色，好食好食。瀑布流沙西多士必叫系列！！上枱時已聞到好香，一切開啲奶黃餡就流出黎，好香甜，正到唔使加糖或煉奶，邪惡極好味。點心好好味，茶位$5，唔使加一，抵食。