大將 (已結業)

話說 之前幫襯過覺得食物質素一般 又冇乜服務 所以好耐冇幫襯。事隔一段時間 今日再返去 感覺唔同哂成間餐廳嘅服務水平提升咗好多 店長店員們態度有禮 會詳細介紹餐單 會問食客意見 有講有笑 感覺很舒服。今日店員向我推介新出雞煲系列 本來已點壽喜燒湯底嘅我 立即轉軚 點咗重慶雞煲 （佢仲有椰子雞&味噌雞煲照顧不愛辣嘅朋友）餐廳係用一人一鍋嘅 真好唔好雞煲嘅朋友可以揀番自己喜好嘅湯底 嗜辣嘅朋友就可以自肥一人雞煲 雞煲到 香噴噴 有板有眼 味道未算好驚艷 不過我好滿足了可以一人享受 仲係任添任食 食完雞煲 加湯再打埋個邊爐 正到痺