星巴克咖啡 (已搬遷) 新店位置

vcity行街行到攰，想搵啲嘢飲，無咩選擇，唯有去starbucks。新出咗啫喱乳酪星冰樂，有香蕉，芒果同士多啤梨3種口味，一於試下芒果味！ 買咗一杯特大$48，兩個人share。原來成杯都係乳酪黎，口感好滑好creamy，整體甜度適中，唔會話太甜，味道唔錯，但有d失望嘅係開頭以為會有新鮮芒果果肉，點知原來全部都係芒果味啫喱，所以芒果味唔夠突出同fresh。但無疑，芒果啫喱份量係幾多，所以口感都幾豐富。ps 飲管個窿好細，要吸d啫喱有啲辛苦，希望可以改良下個設計。