ChaTraMue (已結業)

同朋友食完飯行到黎渣甸街，想食個飯後甜品，見到呢間泰國奶茶舖有榴槤刨冰食，仲係九月季節限定，就同朋友一齊試下。呢度有好多位坐，可以係度食埋，打下卡，同朋友慢慢嘆。呢個甜品個名好得意，叫榴槤飄雪，因為啲刨冰好似雪咁棉，口感幼滑，入口即溶。配料有小饅頭同果子。另外配有綠茶cream。榴槤味道唔算重，唔怕旁邊唔食榴槤既人士反感。軟綿綿既刨冰，同硬身既配料一齊食，口感超豐富。價錢就比較進取，要$88一份。