輕時光 (已結業)

同朋友傾開先知原來有人係從來都唔飲台式飲品，珍珠奶茶果類。 朋友係怕肥，其实可以揀少糖和坊間好多用低脂奶類製成，好味又健康。呢日經過銅鑼灣，我就介紹佢飲呢間。佢見店舖咁多水果又用低脂牛奶和乳酪製成，即刻同我一人一杯cheers, 我估佢想飲好耐架喇。目測好多做運動愛健康既人都走黎買。芒果 smoothies 用芒果加奶加乳酪打成，清新芒果味被濃烈既乳酪味相襯下，好fresh好creamy。果種稀稠度岩岩好，好解渴。菠蘿優格奶蓋朋友點既呢款，佢好開心係用新鮮菠蘿而製成，見佢飲得好快應該唔錯。見鋪頭有新出既燉檸檬樽裝，我地免費試左一小杯。可能用咁靚既杯仔飲我覺得幾唔錯，雖然我揀既係落左川貝係有少少苦，但係有止咳成份既好有功效。另一款係冇川貝既就冇咁甘會甜d. 每樽賣148應該係500 G, 比坊間買開既150G 抵好好多。